Willem Tjerkstra’s thússide
admin

oktober 16, 2016

Frjemde fûgels

Lyrysk Deiboek
PDF Print E-mail
Sa tusken mar en poel,
ferskûle yn it reid,
stiet jierren al de fûgelhut,
mar sis mei watfoar doel
it libben dêr wat seit
sa tusken kop en sturt.

Image

Wiid iepen stiet de doar
foar folk dat leaver leit
as dat it fûgels fleanen sjocht:
de hut dy is derfoar
sa as de hoanne kraait
en ’t hintsje iependocht.

Image

De fûgels sjogge ta
op al dat lizzend wurk
fan frjemde fûgels yn har hut,
mar bûten is it sa:
gjin fûgel yn it swurk…
wat hat de hut foar nut?

Related Posts

Recente berichten

Archieven

Categorieën

Zoeken

  • Categorie

  • Datum

Meta