Hânwurk

admin

oktober 15, 2016

Hânwurk

Wa ha de Snitser grêften groeven
foar ’t de Wetterpoarte rjochtop stie,
hoefolle hannen hawwe blierre
foar ’t Heechein op djipte wie?
It tellen ha se troch de jierren
litten, djipgong troch de die.

De baggerbak driuwt foar de poarte
wylst de skeppebak de drek ophapt,
twa hannen hannelje fan fierren,
ien beweging dy’t it him hjoed lapt.
De foto hat it iepenbierre,
dat de takomst it ek snapt.