Oerwâlddream

admin

oktober 12, 2016

Oerwâlddream

As de neinacht ’t oerwâld hâldt
noch yn syn swarte grip
en ljocht en donker sitte op ‘e wip,
dan âlet ’t wâldlûd mannichfâld,
dêrtusken tikket drip nei drip.

As it tsjuster swierder wurdt
en sakket stadich wei,
dan wipt it ljocht de hichte yn en mei
ferskynt in krokodillesturt,
in beamlang lichem komt dêrnei.

As de oerwâlddream waait oer
en ’t eachweid iepenbrekt,
dan is ’t in beam dy’t fier it dok oerstekt,
in ielgoes yn syn keale toer
dy’t mei in skreau syn moarnswyt lekt.