Aktueel byld

It byld ropt op de Swarte See,
griis is de Middellânske
dy’t tsjûge is fan ’t lege lân
as middel foar’t ultime doel:
gjin grûn mear foar dit folk.

It byld ropt op in swarte steat,
bekend mei konsintraasje
fan folk dat yn in kamp
bedarret foar ’t ultime doel:
folsleine massamoard.

It ljocht is justjes mear as neat,
brekt troch de dize hinne,
ropt op ta aksje foar
it rjocht op frede yn it lân
fan ’t folk op eigen grûn.