Al silend

oktober 9, 2016

It spul fan wolken en fan flagge
yn beweging altyd mei de wyn
en as de sinne kleuren skynt,
dan is ’t ballet folflein en slagge.

Wannear’t de baan mei pompeherten
fleurich kleurjend krollet út ‘e rêst
as in ballonfok oan de mêst,
dan fart it skip nei fiere swetten.

It kin noch fierder, mei de wolken
skûtsjesilend, loete yn de fok,
natuerlik nei it heechste lok,
de ienheid fan it al fertolkend.

Recente berichten