Lark en swan

admin

oktober 9, 2016

Lark en swan

As swannen driuwt tradysje
sierlik oer de mar,
in silersdemonstraasje
fan mei simpel ark
it dwaan: it seil heech hysje,
solo alle war
yn lykwicht en foar faasje,
sjedêr de lark.

It binne knobbelswannen
yn in smelle feart,
in stel mei trije piken,
samar op in moarn,
wol sierlik, mar gjin plannen
foar in hege steat:
it libben, docht wol bliken,
giet troch, gewoan.