Frysk bloed

Frysk bloed kom del
en lit it no mar reine,
ús ieren streame dêrfan oer.
Driuw fuort,
wy sjonge ’t wietste lân fan ierde,
it Fryske lân fol drek en skom.
Klots dan en bolderje,
Rein oan it roer,
dyn nije takomst,
it wurdt in toer.

De flagge del,
wa sil syn banen heine?
De pompeblêden yn it wiet.
Driuw fuort
oer marren, seeën, oseanen,
mar kom yn ’t heitelân werom.
Klots dan en bolderje,
sjong mei dit liet
oer Fryslâns takomst
salang’t it giet.