Nei oanlieding fan Jehannes 8, 1 – 11
en fan de tsjerketsjinst yn Itens op 28-10-2006
Us Leave Hear wol net yn tsjerke bliuwe,
Hy rint it paad del nei it fuotbalfjild
en sil syn doelen tusken peallen skriuwe,
want bobo’s smite sljochtweihinne slompen jild.
Hy lit de stjerren fan de himel falle
en traint de nul-nul bern op ljochtskyndei,
sy spylje mei har lea en hert en holle
en ’t leavehearsbist boartet as maskotte mei.
