De mar is leech, no docht
de werklikheid my sear
om’t ik it libben mis
fan seilen yn it ljocht
fan loft en spegeling;
de tiid set troch, sa wis
as winterdei it near
leit op it spul fan wyn
en seil sa klear wit ik
fan dizze wegering.

Lykwols de skepper syn
belibbing lit gjin plak
foar leechte op ‘e mar
en skilderet stik foar stik
de seilen, stjoer en bak,
sekuere spegeling
fan simmer-werklikheid
en ik besjoch syn kar
foar foarm en kleur en fyn
’t in rynske regeling.

Mei tank oan G.J. Veenstra
www. galerie-offingawier.nl