Rige

admin

september 30, 2016

Rige

Se ha it miel wer jûn,
it jaar befrijd fan lêst
dy’t oars gjin romte fûn
as yn de tank, wol bêst
genôch, want no’t it bern
gjin lêst mear jout oan ’t hert
fan mem, hat sy ferlern
’t gefoel en is se set
yn ’t ramt fan sirkelgong
fan stâl nei greide, gers
as fretten, kôgje, dong
foar groei en dan de rêst,
wjerkôgje, fjouwer kear
in mage yn, wol bêst
genôch, der is net mear
as sirkelje, hoewol…

se stelle harren op,
want jaren rinne fol,
in rige, kont oan kop.