‘Trije kear is skippersrjocht,’
sa sei de kampioen
en ’t skip fan sulver
waard foargoed him jûn.

‘Watfoar plak hiesto betocht?’
sa frege doe syn frou;
it byld yn glêzen
kast wie grut fan bou.

‘Sile is myn skippersnocht,’
sa woe de kampioen
en ’t skip fan sulver
waard troch ’t Fean doe wûn.

‘Genereus, dit hie ‘k net tocht,’
sa sei de boargerheit
en ’t byld fan sulver
waard in mienskipsfeit.

Elkenien hie doe syn rjocht:
in fotobyld yn plak
fan ’t byld fan sulver
wie fan bou moai flak.