Willem Tjerkstra’s thússide
admin

Helene Kröller-Müller

Skiednisbylden

fan ûnbekend*

In frou fan kwizekwânsje,
sammelster fan kleare keunst,
sy wie net gau tefreden
oer it keunstich ûnderdak,
de arsjitekt ferlear har geunst.

Har rykdom joech garânsje
foar in libben yn ’t kwadraat:
har grûn fan kante meters
waard it museäle plak,
har park kaam ek noch op ’e kaart.

Har sakepartner Kröller
brocht syn jild en namme yn,
stie bûten de relaasje
fan syn frou mei pinnemaat
Van Deventer, oar praat wie wyn.

Har favoryt wie Hitler,
troch syn krêft wûn hy de geunst,
har lân waard wer in naasje
fan belang, grut op ’e kaart,
al wie it ek mei swarte keunst.

* Foto ‘It pear Kröller-Müller’



Related Posts

Archieven

Zoeken

  • Categorie

  • Datum