Barre

Hy stekt syn skerpe snaffel út,
kin amper rêstich stean of gean,
it moat foar him hjoed barre,
steatlik set er stap foar stap
op ’e sneup nei bút.

Gek is er op in stikje fleis,
want fegetarysk smakket net,
dêr is er earrebarre
foar, it giet fan hap nei hap,
withoefolle deis.

Sy hâlde harren snaffel yn
en driuwe yn de eigen styl,
it mei har hjoed wol barre,
wêrom moat it altyd rap
mei net folle wyn.

* Foto ‘Earrebarre’
** Foto ‘Swannen‘