Willem Tjerkstra’s thússide
admin

Berneslaven

Skiednisbylden
PDF Print E-mail
fan Erwin Jules de Vries*

Sjoch ’t oranje, blanje, bleu,
de flagge op ‘e hannelsfloat
mei withoefolle bern oan board,
foar ’t grutte jild is soks net sneu.

Hear it klappen fan it doek,
sels yn it fiere Yndia,
dêr giet it op it jeien ta
op bern, de keapman eaget tûk.

Fiel it oangean fan de wyn,
dy’t gûlt lykas oan board it bern,
it lijen is him oan te sjen,
hy giet as slaaf de frjemdte yn.

Rûk hoe’t stjonkt de neare dea,
dy’t opkomt út it folle rom,
de weach bedobbet mei syn skom
de lang noch net folwoeksen lea.

Sjoch ’t oranje, blanje, bleu,
dat kleuret ek Batavia,
dêr moat de hannelswaar op ta,
de rop foar ’t lytse fee is heu.

Wit oan alles komt in ein:
as ’t slavebern gjin priis opbringt,
it jild út oare hoeken winkt,
dan wurdt de slavernij ûntslein.

Image

* Erwin Jules de Vries (1929-…)
Byld ‘Slavernijmonumint te Amsterdam’ 

Related Posts

Archieven

Zoeken

  • Categorie

  • Datum