Sabeare winner

Wurdt de frijheid kwea beknotte,
stekke earmen himelheech,
wat bliuwt dan oer fan it bestean?
De tinne tûkjes dy’t noch hingje,
troch de hearskippij bespotte.

Liket hjoed dy macht te winnen,
krije earmen it te dreech
om foar de frijheid troch te gean,
dan kinne tûkjes útkomst bringe
yn de strielen fan de sinne.

Lit de sinne de macht krije
om de kjeld fan Oeral wei
te teien foar in waarm bestean,
dan sil de frijheid oan krêft winne,
de sabeare winner swije.