Aleksej Navalny

fan ûnbekend*

It gif streamt troch rivieren,
troch de Wolga, Lena, Don en Dnjepr,
oer de sirkel fan de poal
om úteinlik út te kommen
iiskâld yn de sel fan Charp,
dêr hat de hel him iepenbiere.

It gif fan Stalin streamde
troch de Dnjepr, liet it folk krepearje
fan de honger, dizze boal
hat miljoenen Oekraïners
ombrocht mei in deadlik gif
dat hy kollektivisaasje neamde.

In twadde Stalin hearsket
hjoed de dei opnij mei streamen gif yn
de rivieren oant de poal
ta, dêr’t held Navalny iiskâld
omkomt yn de hel fan Charp,
wêr’t hiel de wrâld ferweesd fan wearzget.

* Foto ‘Aleksej Navalny’