Willem Tjerkstra’s thússide
admin

Blauhúster dakkapel

Lyrysk Deiboek
PDF Print E-mail
Image

Sa liede se de Snitswike
yn banen tusken peallen
mei wite koppen, like
oanwizend as de boeien
de baan fan Gossepeallen
oer balstjurrige weagen
nei Puollen mei twirren,
dy’t nea sa sterk útgroeie
dat Potten-plattegrûnen
fuortreage wurde, wizers…

Image

…foar nijsgjirrige eagen
nei plakken dêr’t it sûne
belibjen fan de oeren
muzyk net op stiet, stjerren-
de wier: safolle jierren
kapel op folle toeren
is tusken wite peallen
yn banen brocht nei ’t sintrum
om op ‘e willeweagen
balstjurrich de show te stellen.

admin

Stadich besjen

Lyrysk Deiboek
PDF Print E-mail
Image

It tastel is te stadich
om ’t fleanen fêst te lizzen
fan fûgels… eigenaardich
hoe’t wjukken harren drage
en sûnder doel te missen
bewege yn de lagen
dêr’t gjin mins ferkeare kin.

Mar as ’t ferkear de dyk
oer fljocht en sjocht gjin flecht,
dan is der min ûntwyk
foar wat earst heger wie
en no dêr leit as echt
foar ’t tastel, lamme krie
om stadich te besjen.

Image

Archieven

Zoeken

  • Categorie

  • Datum