Ik stie fersteld oer wat ik seach:
der draafden hynders oer de hiele wrâld
yn kleuren swart, read, wyt en bûnt…
betsjutte ’t ûnheil of behâld?

De ingel hold my yn de dream,
ik hie de weinen noch net sjoen…
wie ’t foar de striid of in berjocht?
Ik wist net hoe’t it fierder rûn.

De ingel holp my út ‘e dream:
de weinen rieden fjouwer kanten út,
nei ’t noarden, suden, east en west,
se namen machten mei as bút.

Ik stie fersteld oer dit berjocht:
de hynders loeken nei it Noarderlân**
de wein mei dêryn God syn Geast,
gjin macht ûntkaam sa oan syn hân.

* Yllustraasje ‘De fjouwer himelweinen’

Ik wist net wat ik kommen seach,
it ding wie rûn, it hie wat fan in pôt,
in ingel spriek it kleare wurd:
it wie de mjitte foar it nôt.

It leaden lid gie op en del,
sjedêr in frou, dy rekke ek wer wei,
de ingel spriek it kleare wurd:
it kwea moast wike foar de dei.

Ik seach twa froulju yn de flecht
as eiberts mei de mjitte tusken har,
de ingel spriek it kleare wurd:
it kwea gie sa nei Sineär**.

* Yllustraasje ‘Twa froulju mei de nôtmjitte’ (Ted Larson)

** Babyloanië