Pagina 1897 – Willem Tjerkstra’s thússide

admin

november 5, 2016

Ferskil yn komôf

Men sjocht it faak al út ‘e fierte:
it stal, de stap fan feint of faam
en ek op ’t earste each fan man of frou,
sy binne grif fan heech komôf,
de gong troch ’t libben is foarnaam,
sy wolle dat ek witte.

Mar sjocht men har dan letter sitten…
of stean, soms ek noch op ien poat,
de eagen op it iepen fjouwerkant,
dan is de libbensnocht ferband,
se sitte: fraude of in moard,
mar wolle dat net witte.

Sjoch dan de brune of de swarte,
hoewol net altyd like skjin,
sy driuwe, mar net op in heech komôf,
har frijheid komt net yn it nau,
sy swimme mei in fleurich sin
en fleane sûnder moatten.