augustus 14, 2025
It is in rynske risping
neffens it sjoernaal,
mar ’t grutte oanbod
hat gjin ynfloed op ’e priis,
alhiel net merkkonform.
Sjedêr wat juster barde
neffens it ferhaal
fan hoe’t in fûgel
sin hie oan dy iene par,
alhiel natoerkonform.
It is foar alle libben
super dat de taal
fan par en fûgel
net konform is oan de priis
fan fruchten fan de merk.
augustus 12, 2025
fan ûnbekend*
fan ûnbekend**
Wat yn de rin fan iuwen foarme is,
de rûge kust, mar ek it eilân,
freegje om beskerming
yn it ramt fan ’t nasjonale park,
gewurde litte is dêrfoar it ark.
It park lit sa ek bloeie it koraal,
beskermet ek ’t koraal dat op it
eilân erodearret;
yn it ramt fan ’t nasjonale park:
lit bloei en dea gewurde as it ark.
Noch springt yn ’t park in libbene fossyl:
’t amamiknyn dat troch de iuwen
hinne yn libben bliuwe
koe, lit hjoed de dei ’t Amami-park
foar ’t knyntsje wêze ’t nasjonale ark.
* Foto ‘Amamipark yn Japan’
** Foto ‘Amamiknyn’
