Sjonge foar Menno

admin

oktober 20, 2016

Sjonge foar Menno

De wyn foel fuort, gjin driging mear,
de flagge koe wol oan de peal
foar Menno, swalker foar de Hear,
dy’t doopte op folwoeksen hollen
op it hechte fûnemint
fan ’t Wurd dêr’t hy nei dolde.

Hy wie as dak de himel wend,
gjin tinte foar de preek en ’t liet
dy’t hoeden klonken foar de Hear
by hagen lâns rûnom de hollen,
want de roomske fijân hynsteried
en balte as in bolle.

No stiet de tinte foar it liet
ta ear fan Menno en de Hear
en dreamt de hûn syn heldedied:
wêrom soe hy net blaffe wolle
tsjin de ko mei ’t drinkend keal,
want neat is hjoed tefolle.