As in steunpeal boppe ’t iis
sa wis, want sjoch, ’t is stjerrend wier
en kâld yn ’t lêst fan maart:
in nije wintertiid, it is in griis,
in poalklimaat troch ’t hiele jier.

Waarmet sa de ierde op?
Profeten krije gjin gelyk,
want sjoch it aard fan maart:
in nije wintertiid, mar is ’t in strop?
Ferhege wurdt gjin polderdyk.

Peallen wize nei it far,
noch iepen foar de peaskefloat;
sels yn dit poalklimaat
tsjocht op it Dútske bloed, der is gjin kar,
want farre sil de Fryske boat.