Nei de firusfloed

It wie fierhinne yn it jier,
dat tsjutten waard as liddich
troch de goarre fan korona,
ek troch alle wiken rein,
sadat it folk de strjitte mijde…
dat de hjerst brocht samar sier.

Seis kleuren oer it gea,
omdat de sinnestrielen
brieken troch miljoenen drippen,
dy’t foarseine daliks rein;
it like as de himel wijde
’t ierdske libben nei de dea.

De hichte fan de firusfloed
wie nei sa’n kearpunt sakke
dat de strjitten foller rekken
as foarhinne yn de rein…
sjoch hoe’t de kleurepracht fernijde
dat it kaam úteinlik goed.