De poaten hat er yn de grûn,
de klauwen fier foarút,
de kop hast yn de wolken,
oan gjin oare libbens bûn,
stiet fêst as einbeslút:
de macht oer alle folken.

Sa hat de skiednis syn symboal:
diktatorskip as boal.

Hy hat in lytser plakje fûn,
beskieden boppe ’t hout
mei útsicht oer it wetter,
’t kroangiel as de sinne rûn,
mei ’t wif bestean fertroud,
gjin noed oer wat komt letter.

In suver teken fan it hjoed:
yn bloei foar ’t riist de floed.