Jagers spultsje

admin

oktober 30, 2016

Jagers spultsje

’t Wie hjerst en wer in raazje,
want it jachtseizoen begûn
mei learzens oan, de pet op ’t hier,
it waard de dei fan stjerrend wier
mei hûndert hazzen foar de jûn
fanwege jagers kamûflaazje.

Hy eage fjild en stedskym oer,
stie steil rjochtop as tsjerketoer.

Mar sjoch, hy soe him risse:
troch de knibbels, op it gat,
gjin hazze seach mear pet of hier…
of moast er nedich, stjerrend wier,
oerein en rjochtsje foar it skot,
’t gewear foarút, sa hat er pisse.