Hy hat de dykreis makke
op en achter rubber oan,
noch lang net yn syn elemint,
’t gefoel wie frjemd, noch sterker naar,
sa ridend op syn stielen troan
koe hy gjin baren pakke.

Doe lieten sy him glide
fan it stiel op wêr’t er foar
ornearre is, syn elemint,
’t gefoel waard heger op ‘e baar
fan ’t kapitale sleepskip, mar
wie ’t better as earst ride?

Hy hat him slepe litten
oant syn elemint, de mar,
gjin baar kaam op him oer as frjemd;
hy stie bekend as giel gefaar,
neat wie him yn de striid te bar,
dat ha de silers witten!