Eurotoer

oktober 10, 2016

Wy binne op ús nûmer set
fan bank oant apoteek,
it sifer is no ienkear wet
foar leauwende de leek.

Wy leauwe yn it grutte tal,
fan bingo ’t winnend lot,
lit rôlje ien kear sa de bal
foar leauwende yn god.

De toer stiet foar ús Babels doel,
wy klimme stielhurd heech
mei útsicht oer de mar en poel,
mar ha wat oars op ’t each.

It euroteken wurdt ús swart
foar eagen, sulvergriis
de ûndergrûn en yn it koart:
in healmiljoen en -wiis.

Recente berichten