Deadewachters

admin

november 1, 2016

Deadewachters

Wa of wat it trochjûn hie,
gjinien sil soks fertelle kinne,
want mystearjes ha gjin taal
dy’t minsken helpe út ‘e rie
en sy ha gjin antenne
foar it grûnferhaal.

Kreunend joech de beam de geast
en lei doe stram en stil derhinne,
ree foar ’t brekken fan de lea:
de tûken kreaken ’t alderearst,
úteinlik bleau allinne
’t stobbestik foar dea.

Om de stobbe briek de grûn
en sjoch hoe’t riisde dat mystearje
dêr’t gjinien fan koe de taal,
mar wol wat waard der swijend jûn,
it pears om him te earjen
foar syn rûsferhaal.