It weaget oan fan fiere kym
wat riisde út ‘e woartels wei:
de stam dy’t al de krún foarsei,
wat oerbliuwt, is noch mar in skym.

It liet noch jierren op ’t koraal:
in keunstwurk foar it skerpe each,
mei ’t skomjen fan de oanfierweach
fertelt it tiidleas syn ferhaal.

En tichterby leit noch in byld:
ultime keunst foar it fergean,
dêrfoar noch in folsleine beam,
wat wâlet troch en dûbeld fielt.