Untdekke

fan Mario Carreno*

Se baaiden neaken yn ’t gebiet
dat op har oerkaam as natuerlik
wolle wy ûntdekke wat der is:
it sêfte grien, de skerpe skulp,
alles wat de see ús biedt.

Dochs waarden sy ynienen kjel
fan wite doeken dy’t frjemd bollen…
wolle dy bedekke wat bleat is?
Dan krûpe wy wol yn de skulp,
jouwe ús yn ’t tsjuster del.

It tsjuster duorre iuwen lang,
want frjemd woe har gebiet ûntdekke,
dat úteinlik lei it eilân bleat…
wy krûpe neaken út ’e skulp
as it folk fan twadde rang.

* Mario Carreno (1913-1999)
Skilderij ‘De ûntdekking fan it Karibyske gebiet’