Willem Tjerkstra’s thússide
admin

Twa jonges

Keunst
PDF Print E-mail
fan Rafael*
fan Paul Gauguin**

Image

Putto, neaken jonkje modellearre
nei it ideaalbyld fan de tiid
doe’t Rafael dyn lea arsearre.

Putto, jonkje dat doe funksjonearre
as de drager fan it pausembleem:
in ring mei diamant en fearren.

Altyd, putto, hasto wer posearre
neaken foar de paus en kardinaal,
troch dy yngripend ynspirearre.

Image

Dêr leisto, boerejonge
út Bretagne, plomp en bleat,
nei wylde bokkesprongen,
dochsto no in skoftke neat,
fernimst dyn hert en longen,
mar oan dy is neat ferkeard:
bist yn dyn wêzen krongen.

* Rafael (1483-1520) wie in Italiaanske
Renaissance-keunstner. Hy tekene de minsken
nei in ideaalbyld, ûntliend oan de Grykske
byldhoukeunst.
Yn 1513 kaam Rafael yn tsjinst fan paus
Leo X, de earste paus út it skaai Medici.

** Paul Gauguin (1848-1913) skildere
oant 1886 yn ympressionistyske styl.
Yn Bretagne kaam er ta in ferienfâldiging
en joech mei grutte kleurflakken
it wêzentlike wer. Dizze styl ûntwikkele
er fierder op ‘e Marquises Eilannen (Tahiti)
yn de Stille Oseaan.

Related Posts

Archieven

Zoeken

  • Categorie

  • Datum