Tantaluskwelling

fan Francisco de Goya*

Tantalus,
de goaden ha syn hannen bûn,
hy kin net by it fruchtfleis komme,
ek syn toarst wurdt net ferslein,
syn langstme wurdt him wreed ûntsein.

Tanita,
sy is slop op syn knibbels lein,
mar net om daliks by te kommen,
oan it needlot is sy bûn,
itselde is him straffend jûn.

Tantalus en Tanita,
de ien is oan de oare bûn,
mar sûnder by elkoar te kommen,
harren lijen ken gjin ein,
it hat grif oan syn langstme lein.

* Francisco de Goya (1746-1828)
Yllustraasje ‘Tantalus’
Print 9 út ’e searje ‘Los Caprichos’