Willem Tjerkstra’s thússide
admin

Petear fia hûntsjes

Keunst

fan Frans van Mieris*

Twa hannen mei ferskil yn rjochting,
de iene dy’t in ear beet hat,
de oare dy’t de narder wart…
wat hat dat te betsjutten?

Mar hat de man wol de bedoeling
de hûn te pakken by it ear?
It docht allinnich ’t froutsje sear,
sy kin it dûbel tsjutte.

Do moatst net oan myn hûntsje sitte,
bliuw mei dyn fingers fan him ôf,
bring net myn skatsjes yn it nau,
hy lit it blaffend witte.

Ik ha mei dy gjin snars te krijen,
mei ús ferkearing bin ik klear,
dus lûk myn hûntsje net oan ’t ear,
tenei sil hy dy mije.

* Frans van Mieris (1635-1681)
Skilderij ‘Hûntsje pleagje’

Related Posts

Archieven

Zoeken

  • Categorie

  • Datum