Falske lûden

fan Salvador Dalí*

De geast fan Lenin wjukket
seis kear om de fleugel hinne
wylst de Ynternasjonale klinkt,
de Sovjet-Uny riist nei boppen,
sjoch nei ’t toetseboerd, it blinkt.

De geast fan Stalin wjukket
fierder om de striid te winnen,
mar falsk klinkt de nasjonale toan,
de Sovjets hawwe hurde koppen…
wa wurdt Stalins wrede soan?

De geast fan Poetin wjukket
oer morele grinzen hinne
wylst raketten komme fluitsjend del,
noch mear soldaten wurde roppen
om te stjerren yn syn hel.

* Salvador Dalí (1904-1989)
Skilderij ‘Seis ferskiningen fan Lenin
op in fleugel’