oktober 25, 2020
fan ûnbekend*
Fan stienkoal yn de djipste lagen
nei de djippe skurte fan de frou,
dat wie de wei fan Mary Stopes:
har antwurd op ferskate fragen.
Har ûndersyk nei âlde planten
yn de swarte lagen fan de grûn,
brocht Mary op in heech nivo,
dy wittenskip hie djippe kanten.
It each foel op ’e soarch fan memmen,
harren noed foar withoefolle bern,
de wittenskip koe oanjaan: ho,
sa waard der yn de skurte remme.
Der kaam beheining fan de berte
troch de publikaasje ‘Maried Love’,
dat wie de wei fan Mary Stopes,
sy hat de earste stappen setten.
* Foto ‘Mary Stopes’
oktober 18, 2020
fan ûnbekend*
fan Michel de Klerk**
Hy wie as bern de santjinde
en moast him skikke nei de oaren,
lei net op in eigen koers
oant hy yn foarm kaam foar de foarmen,
wat de boukeunst sterk feroare.
Michel hie each foar ’t earme folk
dat yn de achterbuerten wenne
sûnder weet fan eigen koers,
sadat it slingere yn stoarmen…
wat soe hy feroarje kinne?
Hy kombinearre bou en koers:
in stiennen skip foar lju dy’t switte,
wurkers op de baas syn koers;
sy wennen yn moderne foarmen,
koene sa har koers sjen litte.
* Foto ‘Michel de Klerk’
** Folkshúsfesting ‘It skip’
