april 25, 2021
fan ûnbekend*
It klinkt as ’t skot fan in gewear,
de namme fan de Ku Klux Klan;
it uterlik hat wat fan spûken
dy’t oer strjitte paradearje,
sa de oandacht lûke.
It lêste skot fan it gewear
hie klonken: ’t startskot fan de Klan
as blank protest tsjin alle swarten
dy’t as slaven wrotten hiene…
op ’e nij wer koarte.
De Ku Klux Klan kaam yn ’t gewear
tsjin swarte, kleurling, katolyk
en kommunist, ek ymmigranten
wiene yn har lân net wolkom…
haat nei alle kanten.
Op ’t hichtepunt, doe wiene mear
as fjirtichtûzen op ’t kongres,
de djipte wie de arrestaasje
fan de lieder nei ferkrêfting…
sjittend út ’e graasje.
Foto ‘Ku Klux Klan parade yn Washington’
april 18, 2021
fan ûnbekend*
De adel moast de lieding ha
yn ’t leger, sa hie ’t altyd west,
mei oan it haad de keizer,
’t moast sa bliuwe yn de naasje,
adel oan de macht foldie it bêst:
mei it ferline op ’e takomst ta.
As âldste soan fan offisier
Von Hindenburg koe hy net oars
as yn it leger fan de
keizer, stridend foar de naasje;
foar de macht hie hy in skerpe noas,
hy woe oer grinzen hinne… withoefier.
It folk keas him as presidint,
in demokratysk rjocht yn ’t lân
dat earder oarloch fierde;
oan de wet moast hy him hâlde,
dat de macht lei net mear yn ien hân…
en holle… oan de ein waard hy demint.
It gie net oer fan heit op soan,
lykas de adel iuwen wend
wie, want it folk mocht kieze
neffens demokratysk foarskrift;
hoewol’t Hitler rekke gau bekend,
seach Hindenburg him as syn keizer oan.
* Foto ‘Paul von Hindenburg’