december 20, 2020
fan ûnbekend*
fan Daniel Chester French**
Fan boeresoan ta presidint,
hy makke sa karriêre,
wist net wat him noch te wachtsjen stie,
it hie net folle minder kind.
As boeresoan wie hy net wend
oan striid om yn te stjerren,
dat in boargeroarloch wie yndie
foar him gjin doel as presidint.
It doel – fuort mei de slavernij –
moast hiel de naasje hearre,
fan dy wurden kaam it ta de die,
de oarloch makke slaven frij.
Foar Lincoln kaam in monumint
fan kalkstien en wyt moarmer,
omdat hy de naasje rêden hie,
’t stiet as ‘Memorial’ bekend.
Yn stilte stiet it folk derby;
de herten wurde waarmer
as it sjocht hoe grut hy is en wie,
want hy feroare ik yn wy.
* Foto ‘Lincoln Memorial’
** Daniel Chester French (1850-1931)
Byld ‘Abraham Lincoln’
december 13, 2020
fan ûnbekend*
Hy hat wat fan in teddybear
om mei op bêd te nimmen,
oan syn sliepen leit it net:
wol tweintich oeren nacht en dei,
de rest is hy oan ’t trimmen.
De beam yn giet him maklik ôf,
by need kin hy ek swimme,
oan ’t bewegen leit it net
dat hy sawat op stjerren lei,
der wie ferskil yn stimmen.
De jager gie it om de hûd,
hy woe safolle sjitte
dat er jild as wetter hie,
sa rekken der miljoenen wei,
dêr koe hy net mei sitte.
It folk dat fan it bearke hold,
hiel oars as stil te lizzen,
seach dat dit tsjin ’t libben wie;
de wet joech oan de jacht in draai:
it dier hie ’t foar it sizzen.
* Foto ‘Koalabear’