januari 17, 2021
fan ûnbekend*
fan ûnbekend**
Wa wol net op wjukken fleane,
’t leafst op eigen, hegerop
om oer de hiele wrâld te sjen,
de fûgel bringt dy nei de top.
Juan woe ek graach op wjukken,
mar hy fûn himsels te swier,
in rotor draaide net sa min,
it slagge, mar dy kaam net fier.
Syn systeem koe sprekken lije:
draaie, tagelyk foarút,
úteinlik wie it nei it sin
fan Juan, blommen en in tút.
Mei de klyster soed er fleane,
om’t er alles no wol wist,
hy koe lykwols net alles sjen,
it waard in clash yn tichte mist.
* Foto ‘Juan de la Cierva’
** Foto ‘De autogiro’
januari 10, 2021
fan ûnbekend*
De keizer wie de grins oergien
fan hearskippij nei boargerskip,
it gie yn ’t lêstoan samar:
‘Fuort mei Wilhelm, jou ús mear as ien,
de republyk fan Weimar!’
De republyk fan mear as ien
kriich folle minder yn de knip
fanwege de ynflaasje;
’t wie de terroristen net ûntgien,
sy swarden by de naasje.
Yn München kaam de binde oan,
dêr’t Adolf Hitler fêste grip
op hie: de revolúsje
spriek mei skomjend bier op skrille toan,
mar ’t waard in desyllúzje.
De lieder is de sel yngien,
foar Adolf wie de dip net djip,
’t gie jierren letter samar:
‘Heil foar Hitler, want der is mar ien
dy’t fierder giet as Weimar!’
* Foto ‘Steatsgreep yn München’
