mei 23, 2021
fan ûnbekend*
Ibn Saud, trijedûbel winner,
telde him úteinlik ryk
mei twaentweintich frouwen
én Arabië, it ierdske slyk
begûn foargoed te streamen.
Hy stamme út it hûs fan Saud,
waard de lieder fan dy stam,
kriich fan syn folk ’t fertrouwen,
stiek Arabië yn fjoer en flam
en koe him kening neame.
Hy stribbe nei in suver leauwe,
makke ’t paad nei Mekka frij
foar pylgers om te skôgjen
de Kaäba foar har heechst gewin
om fierder oer te dreamen.
Ibn Saud joech it lân syn namme,
skonk it fiifenfjirtich bern,
dit wiene dan de soannen,
fan de dochters wie er net in fan:
‘Ik sil gjinien beneame.’
Foto ‘Ibn Saud’
mei 16, 2021
fan Adolf Hitler*
Wa’t yn de sel sit, krijt gjin romte
om te striden op it fjild,
mar kin syn slach wol slaan
mei ideeën foar de pinne
om yn wurden troch te jaan.
De romte wurdt de Joad ûntnommen,
om’t er net foldocht oan ’t ras
dat opslacht foar de winst;
lit it joadske folk net rinne,
konsintraasje op syn minst.
Jou eale Dútsers alle romte,
yn it easten leit de grins
foarby de Oeral, dêr’t
kampen Joaden bergje kinne,
elkenien natuerlik stjert.
Wa’t út ’e sel komt, lit him jilde
mei ideeën skerp op skrift,
noch skerper op it fjild;
slach nei slach sil Hitler winne,
om’t syn wurd as oantrún jildt.
* Adolf Hitler (1889-1945)
Boek ‘Mein Kampf’