december 4, 2022
fan ûnbekend*
Eins wie hy liberaal, foar frijheid
fan de minske dy’t by steat
is om himsels te rêden,
dus gjin oermacht fan de steat
op alle mêden.
De republyk hie ek syn foarkar,
mar de tsjerken fûn er neat,
hy woe dy brâne litte,
want har boadskip wie ferkeard,
se ha it witten…
Eins wie hy liberaal, mar sûnder
kommunisten gjin regear,
hy moast it mei har rêde,
dus de steatsmacht kriich it klear
op alle mêden.
Hy waard de presidint fan Spanje,
hold it folk net yn de hân,
mar moast geweld talitte:
Franco kriich de macht yn ’t lân,
se ha it witten…
Foto ‘Manuel Azana’
november 27, 2022
fan ûnbekend*
Al as jonge, wie er ekonoom:
hy liet in oar syn boeken drage,
joech dêrfoar by ’t húswurk help,
dochs wie de ruil iensidich,
want syn wil waard wet.
Fan in protte merken wie er thús:
belizze koe er as de bêste,
mar ferlear ek wer, kriich help
en sammele oerdiedich
keunst, syn wil wie wet.
Nei Versailles kriich er syn gelyk:
lit Dútslân net de tol betelje
fan it hiele kriichsbedriuw,
dat wurket te iensidich,
meitsje ’t net ta wet.
Nei de oarloch waard syn wil ta wet:
lit minsken ’t jild mar útjaan, rôlje
moat it foar it steatsbedriuw,
sa wurket it oerdiedich,
dêrfan is ferlet.
* Foto ‘John Maynard Keynes’