november 28, 2025
fan ûnbekend*
Hoefolle minsken kin men bergje
yn in stêd op mar in lyts gebiet,
miljoenen wolle dêr ferkeare
om’t dat plak fan alles biedt.
Tefolle folk, dan jout de hichte
útkomst foar wa’t is net stjerrend bang
om dêr syn lykwicht te ferliezen,
boppedat sitst earste rang.
In tongerbui mei felle bliksem
hat gjin ynfloed op ’e hege toer,
wol op it sicht fan de bewenners
oant de bui driuwt stadich oer.
Hoefolle minsken kinne berge
wurde as it fjoer wurdt ta in hel
foar folk dat wennet yn de hichte,
wiskjend as wat jiske del.
* Yllustraasje ‘Wentoer yn de brân’
november 4, 2025
De moarntiid ljochtet inkeld read,
mar dêrmei is net alles sein,
it liket sprekend op in himelbrân,
foarsein wurdt folop rein.
Sa troch de dei jout soks noch neat,
mar dêrmei seit men net genôch,
it ljochtet yn de fierte troch in slang,
de wolken lykje lôch.
De slang foarseit in hege steat
dy’t útrint op in sterke macht,
let yn de middei set de himel ticht,
foarboade fan de nacht.
De macht jout oan wat komme sil,
al floeit der út ’e moarntiid bloed
de hiele jûn troch oant yn neare nacht…
de rein spielt fuort de moed.