Archive for the Keunst category

Hy woe wol mear,
mar grutter waard it net,
sy wie wol op in sokkel set,
mar sa wie ’t klear.

Gjin holle foar in golle glim,
gjin earmen om him hinne,
sy wie yn foarm en kleur fan him,
mar dochs wie hy allinne.

Hy woe wol mear,
mar rinne koe se net
en net foldwaan oan syn ferlet:
foargoed in kear.

Dus jûn wie ’t ledikant foar him
allinne mei dêrboppe
yn ferve fan dy twa in glim
op frjemde manljuskoppen.

detail

* Skilderij ‘Gipsen frouwetorso’
Skilderij ‘De sliepkeamer’

Kâld as roet wie ’t yn de moarn
doe’t yn it doarp de waarmte kaam
fan him dy’t wat te sizzen hie;
hjoed wied er hiel gewoan
foar ’t sljochte folk en de jongfaam
dy’t wat op ôfstân stie.

Boargemaster fan de stêd,
mar ek wol fan it lytste plak,
sa stie de pommerant bekend,
hy kaam it folk oer ’t mêd,
siet samar lyk mei ’t wite dak,
dat wiene sy dêr wend.

Harkjend bûgde hy foaroer
en wie begien mei ’t kâld ferhaal
dat alleman te sizzen hie:
it libben wie in toer;
doe klonk foar elk yn kleare taal:
hy hold it yn berie.

Mar de faam, alhiel yn ’t read,
fernaam gjin waarmte, dat sy hie
foar elk te sizzen mear as neat:
’t moast komme ta de die.

* Józef Chelmónski (1849-1914)
wie in Poalske skilder
dy’t yn in realistyske styl
patriottisme útbylde.
Skilderij ‘Moeting mei de boargemaster’