Archive for the Keunst category

Syn mem hat him it leafste kreas,
de skieding yn de midden,
beide siden sûnder lûs,
in skjinne skoech, gjin smoarge lears
en flokke past net yn de hûs,
mar wol op knibbels bidde.

Op knibbels hat hy leafst syn hûn,
al kin dy wolris stjonke,
mar syn hier is wyt as snie,
al hat er yn de smoargens rûn
en dolt syn baaske nei in flie…
as kapitaal in bonke.

* Gerard ter Borch (1617-1681)
Skilderij ‘Jonge flieët syn hûn’ 

Doe’t hy al fier op jierren wie,
beseach er him yn dat gehiel
fan Abraham oant Paulus;
hy lies wat yn de teksten stie
en hie mei glâns oan ’t eigen byldwurk diel.

Ynienen waard er har gewaar,
de frou dy’t salang droegen hie
yn skurte en op hannen;
tsien fingers rekken doe in snaar
dy’t resonearre oant er by har wie.

* Rembrandt (1606-1669)
Skilderij ‘Selsportret as de apostel Paulus’
Skilderij ‘In âlde frou’ (Rembrandts mem)