Archive for the Keunst category

Hy libbe slepend nei de ein,
want stadich kroep de âlde tiid,
dy’t eartiids, doe’t dy nij wie, flein
hie, mar doe wie de wrâld noch wiid.

Syn wrâld wie no de leuningstoel,
dêr’t hy syn prakkesaasjes hie
oer doe’t er libbe mei in doel,
mar hjoed oer hoe’t it mei him gie.

Hy hie syn twivels oer it nije jier,
dat by him kloppe op it hert,
hy joech him del, want stjerrend wier,
syn hert sloech noch, mear wist er net.

* Rembrandt (1606-1669)
Skilderij ‘Sliepende âlde man’

Se kamen út it easten wei,
it wie net dúdlik wa’t se wiene,
keningen of earder wizen;
’t wie it firmamint dat harren sei
wat sy mei status diene.

It waard in drokte yn de stâl
mei trije keningen of wizen
op ‘e knibbels mei har status,
want it firmamint fûn neat te mâl,
it liet in stjer ferrize.

Ien kening kin it ús wol dwaan,
mar moat dy reizgje nei it easten,
op ‘e knibbels foar de godheid
Sport, om Anty- Homo ear te jaan?
De wiisheid seit it measte.

* Rembrandt (1606-1669)
Skilderij ‘De oanbidding troch de wizen’

** Wilma Konijn
Skilderij ‘Portret fan Willem Alexander’