Archive for the Keunst category

Se tinke dat ‘k allinne bin,
soks past net by in warber man
dy’t noch fan alles kin,
wat sizze jim derfan?

Ik tink jim fine dat mar stom,
in bist sjocht fierder as de lju
dy’t eagje achterom
en reagearje sleau.

Wêr sjogge jim sa lang al nei?
Ik draai my ek mar efkes om;
jawis, dat wie wat ‘k sei:
allinne mei it skom.

* Giovanni Fattori (1825-1908)
Skilderij ‘De rêst’

** Théo van Rijsselberghe (1862-1908)
Skilderij ‘De man oan it roer’

Sy woe it libben priuwe
wêr’t se dat mar fine koe,
mei reade wyn en in sigaar,
wat oars soe har noch driuwe?

It preau har minder lekker
dat er hjoed wat oars ha soe,
dan waard er dat noch wol gewaar,
it moast wol stom net gekker!

Se preau en is opskrille
troch syn lûd dat sy werkoe
út tûzen, rûkte syn sigaar,
it libben joech har wille.

Sy wist net mear wat sûnens wie,
hie fan it libben amper preaun,
yn plak dêrfan de medisinen;
de roas, dy’t fan har eagen hie,
mei reade rânen wie har freon
salang’t er net ferkwine.

* Ramón Casas (1866-1932)
Skilderij ‘Famke yn in kafee’

** Christian Krohg (1852-1925)
Skilderij ‘Siik famke’