Archive for the Keunst category

Foarnaam stie Saskia derop,
earst mei in ponge oan de earm,
de beurs dy’t paste by har klean,
it moast har as prinsesse stean.

Mar doe’t it stean net goed mear woe
en lizzen bleau allinnich oer,
seach hy de beurs wer op ’t portret
en wist: ‘Dit past myn leafste net.’

Hy skildere út piëteit
de rjochterearm mei ponge oer,
yn styl bleau Saskia dêr stean,
hy hat net op har libben bean.

* Rembrandt (1606-1669)
Skilderij ‘Portret fan Saskia’
Tekening ‘Saskia op bêd’

Natuerlik byld fan blêd en fiver,
sitte, hingje, langút lizze mei
in picknick en in swiet petear,
genietsjend fan in frije dei
nei in wike fol fan iver.

Yn de natuer kin soks wol lije,
elk kin libje nei it eigen aard.

By ’t keunstbyld oan de giele muorren
hingje man en frou in heale snein,
want beide ha gjin praat;
de dei krûpt stadich nei de ein,
hat in ivichheid hjoed duorre.

It is gjin keunst om sa te lijen,
wat stadich sleept nei libbenshaat.

* James Tissot (1836-1902)
Skilderij ‘De picknick’

* Walter Sickert (1860-1942)
Skilderij ‘Ferfeli