Archive for the Bibelbylden category

Net inkeld klage Habakuk
it ûnrjocht oan, syn klacht trof ek de Hear:

Wêrom litte Jo my ûnrjocht sjen,
Jo sjogge dochs it kweade ek?

Wêrom giet de krêft fan wet ferlern
en stiet rjochtfeardigens foar gek?

Hoe lang rop ik al jo bystân yn,
hoewol’t ik skreau, Jo hearre net.

Om my hinne raast in kweade wyn,
mar fan jo stim ha ik ferlet.

Sa klonk de klacht fan Habakuk,
want as profeet gie hy oer dieden gear.

* Donatello (1409-1442)
Moarmeren byld ‘Profeet Habakuk’

Ik, Nahum, wol noch sprekke
oer jim stêd** as liuwenêst
fol mei wat liuwen rôven,
want dat bestean foldocht jim bêst,
hoe kin it oars mei grutte bekken.

Hy, kening fan de Meden,
ropt syn troepen byinoar,
dy’t klimme op jim muorre;
it wurdt de bloedstêd fierste bar,
want oarloch komt yn plak fan frede.

Do, Juda, meist no fiere
feest, de fijân giet net yn
en út; sjedêr ferstruiden,
sy gean deryn en drinke wyn
mei dy, de Heare is de wiere.

* Ikoan ‘Profeet Nahum’

** Ninevé