maart 25, 2017
fan ûnbekend*
Ik ha it hjir yn Nazaret
noch nea sa frjemd belibbe,
want wa ken dy Jezus net?
Ik woe der mar mei sizze
dat er út Jesaja lêzen hat
oer dat de Geast al kommen is
foar earmen, ek foar blinen,
’t is ôfrûne sabbat bard,
teminsten sa lei hy dat út,
mar neffens my hat er it mis,
hoewol’t Jesaja libbe yn ’t ferline,
woe hysels dy Geast graach ha,
sei dat er net wurdearre waard…
no komt it… as profeet fan Nazaret,
dêr stjoerde hy it dus op ta;
sa kaam nei boppen ’t eigenwize aard,
as stie dy keardel boppe Mozes’wet,
it wie de synagogegongers oer,
se jagen him de hichte op,
ik wol ’t wol witte, ’t gie te fier,
mar oan de oare kant, se wiene poer
en woene ha, hy moast de lichte yn,
mar bjusterbaarlik en ’t is stjerrend wier,
it like as wie elk ynienen blyn,
hy… Jezus gie syn eigen wei.
* Ofbylding ‘Jezus yn de synagoge’
maart 22, 2017
fan ûnbekend*
Jawis, ik kom út Galiléa,
bin krekt werom fan de Jordaan,
tafallich reizge ik dêr lâns,
ik moast der dus wol acht op slaan,
ien út ut folk woe ha: ‘Dit is de kâns!’
Wolnee, ik liet my dêr net dope
troch ien dy’t rûch fan wâl ôfstiek,
dyselde doper sit no fêst,
grif dat er mei de wetten briek,
wa’t roppend ûnder wetter dûkt, krijt lêst.
No hat ek ien him dope litten
út Nazaret, sa wurdt der sein,
hy moat it ha oer ’t keninkryk,
ik ha der noch gjin acht op slein,
want krijt in Galiléer wok gelyk?
* Foto ‘Galiléa’