Ik, Nahum, profetearje
oer de bloedstêd Ninevé,
bekend fan rôf en leagen,
ferflokt is dat foltroppe stee,
it sil him net oan straf mankearje.

Do, Ninevé, hast huorke
mei dyn goaden dei nei dei,
brochtst folken yn ferlieding,
naamst harren nei dyn timpel mei,
as hoer hast yn de wrâld omtoarke.

Ik, seit mei klam de Iene,
pak de tippen fan it himd
en strûp dat oer de holle,
sadat de hoer de spot fernimt
fan folken no tsjin har feriene.

* James Tissot (1836-1902)
Yllustraasje ‘Profeet Nahum’