Gjin deastraf

fan James Tissot*
Jeremia

De prysters en profeten
rôpen lûd om Jeremia’s dea,
mar net de hege hearen
fan ’t paleis, sy harken earst
om dan dit lot te kearen.

De wurden dy’t earst klonken,
kamen rjocht út Jeremia’s hert:
‘Elk moat syn dwaan en litten
betterje, dan sil dit folk
wer nei syn namme hjitte.’

De âldsten lieten witte:
‘Micha en Oeria sprieken krekt
gelyk, dus hege hearen,
harkje net nei ’t lilke folk,
dat wol it lot net keare.’

De prysters en profeten
krigen fan de hearen net gelyk,
sy koene net mear stribje
nei de dea fan de profeet
fan God… lang sil er libje!

* James Tissot (1836-1902)
Skilderij ‘Jeremia’