Willem Tjerkstra’s thússide

Posted by admin

admin

Brutsen monumint

Lyrysk Deiboek
PDF Print E-mail
Wat opboud waard yn it ferline,
folle heger as in minskenoas,
om reek te spuien út masines
dy’t bewegend wurken, oars
as earder hûndert minskehannen
foar it deistich brea,
is net troch dynamyt skansearre,
sûnder skea
troch minskehannen segmintearre.

Image

Se steane yn ’t gelid, soldaten
fan it hurde soart, mar achter ’t stek,
fanwege ’t brekpunt dikke maten,
steane sy foar neat en gek,
mar as de kommandanten komme,
sette dy de trend:
segminten wurde sûnder brekken
’t monumint
om fier de hichte yn te stekken.

Image

admin

By heech wetter

Lyrysk Deiboek
PDF Print E-mail
Hoe heech kin ’t wetter rize
foar’t de minske ûnderstrûpt?
De beam sil ’t paad him wize
dat troch ’t libben krûpt.

Image

De dei, noch slûch fan ’t sliepen,
komt mei twivel foar it ljocht;
yn eagen, amper iepen,
kringt it skean en rjocht.

Wat skean is, is it lijen
troch it hege wetterpeil;
de beam kin net bedije,
stiet dêr sûnder heil.

Image

Mar rjocht stekt er nei boppen
tûkekrún as optimist
om hegerop te roppen:
‘Lit no sjen waast bist!

Do krijst hjoed wiete fuotten
op it smelle puozzepaad,
mar moatst nei boppen wrotte,
rom wurdt dan dyn aard.’

Image

Archieven

Zoeken

  • Categorie

  • Datum