Posted by admin

It meunster leit op strjitte,
want de aksje hat jûns west,
it wie in swiere test
om ’t hert noch slaan te litten.

It stiel hat deis swier rôle
om de meunsters paad te jaan,
it is ’t gewoane dwaan
foar elk: de wein as bôle.

Se tripkje troch de dagen,
litte achter print nei print,
net wittend hoe’t it rint,
wol hert foar keal en mage.

De mantelmiuwen sochten heech
in suchtsje wyn, mar fûnen ’t net
op gleone fuotballampen;
de dwile koppen makken ’t kriezjen dreech,
wat yngong tsjin de miuwewet.

De iene woe de mantel út
fanwege drippend fearreswit,
mar koe dat net bekriezje;
de oare hold doe ek syn snaffelsnút,
hy wie mar foar de helte fit.

Doe socht de earste ’t hegerop:
kommunikaasje mediaal
mei help fan in antenne;
de dwilens streamde út ‘e miuwekop
mei tagelyk it jasferhaal.